Wednesday, March 31, 2010

Red Carpet

Nakalakad ka na ba sa red carpet? Hindi pa? Gusto mo ba? Nakakatakot? nakakakaba ba? Sikat lang daw ang naglalakad sa red carpet, yung may sinabi sa buhay, may nagawang maganda, yun bang may ginawang dapat pahalagahan.
Red Carpet din kaya ang daan patungo sa langit? Parang hindi, parang mabato, makitid, pasikut-sikot at parang nakakapagod.
Gayunman, hindi naman mahalaga ang nilakaran mo, sa huli ang mahalaga ay ang natamo mo - ang Langit,

Tuesday, March 30, 2010

Facebook

Hindi ito tungkol sa mukha, ito ay tungkol sa buhay ng mga kakilala mo. Kung nasaan sila at ano ang ginagawa nila.
Gayunman, hindi nito kayang ibigay ang buong detalye sa buhay ng kasama mo, kung ano lang ang nais niyang ilagay at ibahagi.
Kung gusto mo siyang makilala ng lubusan, kausapin mo pa rin siya, kailangan mo pa ring ibalik ang samahan, makibalita.
Dahil hindi nito nasusukat ang totoong laman ng kanyang buhay.

Sunday, March 28, 2010

Palm Sunday

Hindi lahat ng pumupuri sa'yo ay gusto ka. May mga pumupuri sa'yo para lang sumabay sa alon, subaybayan ka at alamin nagkahinaan mo. Gayunman, kung sakaling purihin ka, huwag mong pagdudahan, tanggapin mo na lang ng buong puso at isiping ito inspirasyon para makarating sa tatahakin mo.

Saturday, March 27, 2010

Bato balani

May  mga wonders ang mundo! Isa na ata sa mga nagpamangha sa akin ay ang magnet. Kung paanong dumidikit ang  bakal sa isa't-isa. Noong bata ako, naroong naglalagay ako ng papel sa pgitan ng magnet at bakal, o kaya naman ay tela, minsan sa kahoy. Hinahanap ko kung hanggang saan at gaano kakapal pwede maglagay ng harang para malaman kung gaano kalakas ang magnet.
May kasa-kasama akong magnet dati, hawak-hawak ko palagi. Ipinagyayabang ko pa nga. Hanggang sa isang makulit na araw, inilagay ko sa riles ang magnet, iniisip kong didikit ito sa gulong na bakal, subalit dinurog ng makapal na gulong ng train ang aking magnet.Napalitan ang mangha ko ng pagkagulat.
Isang araw iyon na kailanman ay hindi mawala sa alaala ko.

Friday, March 26, 2010

Election Campaign

Simula na ng election campaign kaya pumasok ng  maaga dahil traffic sa haba ng motorcade nila. Maaari ring samantalahin ito sa pamamagitan ng pagkilala sa inyong mga kandidato. Alalahanin na hindi lang ang presidente, Bise at senador ang nagpapatakbo ng bansa, mas higit na importanteng maboto mo ng tama ang mga konsehal, alkalde at congressman dahil sila ang direktang mamamahala ng inyong bayan.

Thursday, March 25, 2010

healthy Food

Trillion dollar business ang health product. Pano kasi, ang daming tao ngayon -conscious. Pati media, puno ng mga healthy products.
Very visual ang market, appearance value. Dapat maganda, gwapo at sexy.
Lahat ng ito binebenta para sa image.
Pero ni isa, walang produkto para sa kalusugan ng ugali, ng ispiritualidad.

Wednesday, March 24, 2010

customer is always right (if cash term)

Oo na, tama ka na. Ikaw na lang ang laging tama dahil sabi mo kliyente ka. Pero siguraduhin mong fully paid ka at wala kang default. Adik. Nakapanggigigil ng laman!

Tuesday, March 23, 2010

Panaginip

Masarap managinip, madalas gabay ko to sa bawat araw. Para sa akin, healthy ang panaginip. Sa paggising, una kong inaalala kung ano ang napanaginipan ko.

Natatandaan mo ba kung ano ang napanaginipan mo kanina?

Monday, March 22, 2010

Toy Story

Anong laruan ang natatandaan mo na naging importante sa yo? Bakit? Ano ang kwento nito?

Sunday, March 21, 2010

Pansit

Pampahaba daw ng buhay ang pansit. Lets enjoy life. Let's eat pancit :)

Saturday, March 20, 2010

Name that thing

May mga bagay na sa sobranghalaga sa iyo ay binibigyan mo ng pangalan. Noong una ay hindi ko maintindihan kung bakit nila ito ginagawa. Pero nang minsang bigyan ako ng ballpen na hindi ko inaasahan at sobrang nagustuhan ko ay binigyan ko ito ng pangalan.
Narealize kong mas mapapahalagahan at maiingatan mo pala ang mga bagay na binibigyan ng pangalan. Kasi kapag binigyan mo ng pangalan, ibig sabihin ay sa'yo o nagmula sa iyo. Mahalaga sa iyo.

Friday, March 19, 2010

Weekend People

Kasali ka ba sa mga taong naglolong ng Friday Saturday at Sunday?
Yun tipo bang Lunes pa lang ay napapabungtung hininga na at nagsasabing sana ay Biyernes na?
Kung oo, isa ka sa maagang tatanda.

Oo, maagang tumatanda ang mga taong  nag-aabang ng Biyernes.
Dahil, hindi nila naeenjoy ang Lunes hanggang Huwebes dahil ang tingin nila dito ay araw lang ng trabaho.
Kailangan mong ienjoy ang lahat ng araw, hindi lang ang weekend. Everyday kailangan mo ng happy cell.
Seize the moment. Dapat masaya ka ngayon, huwag mong planuhin na sumaya sa ibang araw - dapat ngayon!

Thursday, March 18, 2010

Keyboard

Kung part ka ng keyboard, anong character ka?
Ako siguro shift para useful, pinipindot para sa iba pang gamit ng keys.
Ikaw ano ka?

Wednesday, March 17, 2010

tocilog

Ang breakfast natin, laging nakacombo; tapsilog, losilog, hotsilog, chickslog at kung anu-ano pa.
Madalas kasama ang sinangag at itlog, pipili ka lang ng kasama nito.
Hindi ba minsan, kahit maraming kombinasyon, nakakasawa na.
Bukas, gusto ko magcarbonara sa umaga.
Ayoko muna ng combo.
Dahil hindi naman kinakailangan na sila palagi.
Ang combo kasi, minsan sa halip na choice ang biniibigay, para kang tinatali.
Anong breakfast mo ngayon?

Tuesday, March 16, 2010

ChatRules

Pag pumasok ka sa chatroom, may mababsa kang chat room. eto yung mga bagay na pwede nyong pag-usapan, nakasulat din dito yung mga salita na pwede mo lang gamitin para hindi makapanakit ng iba o makaoffend.
Sa chatroom, iba't-ibang tao ang makakausap mo. Galing sa iba't-ibang lugar at iba't-ibang pinanggalingan. Kaya siguro may iba't-ibang ugali. Pagnagkamali  ka o may nagreklamo sa yo, pwede kang ma-ban.
Kung tutuusin, hindi naman talaga kailangan ng rules dahil dapat, kahit sino ang kausap mo, maingat ka sa pagsasalita o kaya naman kung alam mong  mahina ka at hindi ka sanay sa ibang tao, piliin mong wag nang magsalita o makipag-usap.
At dahil hindi palagi ay mapipili mo ang taong makakasalamuha mo, importante na piliin mo lamang ang sasabihin mo.

Monday, March 15, 2010

Start Now!

Kaya nilagyan ng Lunes ay para paalalahanan ka na laging may simula, na ang Linggo ay nagtapos na at pwede ka nang magsimula ulit.

Sunday, March 14, 2010

Scrapbook

Nasa sayo naman yun kung pipiliin mong maging masaya o malungkot, kung papahalagahan mo ang isang bagay o hindi.
Pwede mong piliing maging maligaya.
At may mga bagay na hindi naman sadyang mahalaga pero pwede mong mapakinabangan.

Saturday, March 13, 2010

Alitaptap

Kahit anong dilim ng gabi, sa pagtingala mo ay may munting liwanag.
Kung wala naman ang buwan at mga tala
asahan mong sasamahan ka ng mga bitwin sa lupa
Ito ang mga alitaptap.
Mga munting nilalang na nagpapaalala
na walang totoong gabi dahil laging may liwanag.

Friday, March 12, 2010

match tayo

Ang kutsara may tinidor, ang araw may buwan, ang unan may kumot, ang lapis may papel, lahat sila may kapares.

Lagi mong maririnig na hindi hinahanap ang kapares, kusang darating ito sa hindi inaasahang araw.

Ibig sabihin pala, ang puso mong laging umaasa ay mauuwi lang sa wala. Huwag kang umaasa kasi hindi darating.

Gaya ng pag-asa mo noong bata ka pa na darating si Santa, o pag-asang matatanggap mo ang pinakagusto mong regalo, o mapapansin ka ng crush mo.

Alam kong mahirap turuan ang puso na huwag umasa, ang kaya mo lang gawin ay sabihan siya na pumikat ka, puso pumikit ka at sa pagdilat ng iyong mata ay nasa harap mo na siya.

Thursday, March 11, 2010

Greatest Disappointment

Minsan magigising ka at mauuntog at marerealize mo na ito na ang greatest disappointment mo sa buhay.
So ano ang gagawin mo?
Matulog ka ng 10 hours. Paggising mo, okay ka na.
Makangingiti ka na.
Promise, effective yan.

Wednesday, March 10, 2010

Women's Month

The world is about creation.
Paglikha.
Kaya siguro tinawag na mother nature or mother earth.
Kung nasa lalaki ang tapang, nasa babae naman ang kapangyarihan.

Tuesday, March 9, 2010

Warning Signs

Importante na marunong kang tumingon at umunawa sa mga kilos ng tao.
Huwagk ang  masyadong magsasalita, instead isipin mo kung ano ang posibleng maging resulta ng sasabihin mo.
Medyo sensitive ang mga tao ngayon.
Kung sakali naman na may masabi ka at napansin mong may naapektuhan, magpaliwanag ka agad bago pa ito lumaki.
Matuto ng Crisis Management.

Monday, March 8, 2010

Dollars!!!

Swerteng nakakuha ako ng crumpled dollar sa isang pantalon na nabili ko sa ukay-ukay. Akala ko noong una e' papel lang na nilamukot, pera pala.

Nung binuksan ko, hindi pa naman siya durog kahit na medyo madumi na yung pera, syempre ba naman, kung saan-saan na siguro ito nakarating. Baka naisama pa sa relief, siguro nalabhan na rin to at naisilid ang pantalon sa sako-sakong lumang mga damit.

Anuman ang dinaanan ng perang ito, dollar pa rin siya, mataas ang value - may halaga.

Naiisip ko rin, ganun din naman ang tao di ba?

Anuman ang pinagdaanan, nagkasira-sira ang buhay at halos umikot-ikot sa gulong ng palad, sa dulo - may halaga pa rin siya.

Sunday, March 7, 2010

Dinner Table

May isang activity na ginawa namin noon.
Kailangan mo idrawing ang dinner table nyo. Isulat mo ang pangalan ng mga kasama mo sa dinner table gaya ng magulang, kapatid, anak at iba pang kasama mong kumakain.

1. Sino sa kanila ang pinakakasundo mo at sino ang ayaw mong katabi o hindi mo madalas kausapin.
2. Ano ang madalas nyong pag-usapan.
3. Sinu-sino ang isinulat mo, ipakilalam o sila

Tapos tatanungin ka, kung ano ang mararamdaman mo kung:
1. May umupo sa pwesto mo.
2. May nawala sa isa sa mga kasama mong kumakain.
3. Nawala ang pinakakasundo mo
3. May ibang pumalit sa pwesto ng mahal mo gaya ng ina o ama.

Simple lang ang activity na ito pero malalim ang paghuhugutan ng kwento.
Subukan mo ngang iguhit ang dinner table nyo at alamin kung ano nga ba ang sitwasyon nyo sa pamilya.

Saturday, March 6, 2010

Passport

May passport ka na ba? Kung wala pa, ihanda mona nag mga requirements at kung meron naman, hanapin mo, baka kailanganin mo bigla.

Friday, March 5, 2010

Sountrack of your life

Familiar ka ba sa The Feather? Ito yung soundtrack na ginamit sa Forrest Gump. Minsan kapag nakaupo, nag-iisip, pakiramdam ko tumutugtog to.

Kapag tumatakbo naman ako, parang naririnig ko ang soundtrack na Chariot of Fire ng Vangelis.

Kapag pagod na ako pero tinutuloy ko pa rin ang ginagawa ko dahil sa goal ko kahit halos sumuko na ako, ang Conquest of Paradise ng Vangelis ang pinakikinggan ko.

Kapag nagrereflect naman, naririnig ko ang watermark ni Enya.

Kapag nagsusulat naman ako, o napipilitang magsulat at napipilitan sa mga ginagawa ko, gustong-gusto kong pakinggan ang reflection of passion ni Yanni.

Ito ang mga music na umaabot sa kaluluwa ko. Nagpapalabas ng energy ko. Nakakaintindi sa akin.

Ikaw, ano ang soundtrack ng buhay mo?

Thursday, March 4, 2010

Bus Ride

Kung gusto kong mag-isip-isip at makapagsulat, sumasakay ako ng bus. Sa dami  ng nakikita ko, agad na lumilipad ang isip, ang daming topic na pwedeng isulat. Halu-halonng emosyon ang nararamdaman ko.

Pag sumakay ka ng bus, para kang pumasok sa isang sinehan. Nakatanghod ka, nag-iisip, nag rereact at naaapektuhan.

Minsan kailangan mong tingnan ang ibang tao at maramdaman ang nararamdaman nila kahit mo man ito nararanasan.

Wednesday, March 3, 2010

Graduation Month

Natatandaan mo ba ang feeling kapag graduation?
Siguro kung nagtatrabaho ka na, hindi mo na maalala, pero dati, ito yung pinakamasarap na pakiramdam.
Syempre ang haba ng panahong ginugol mo sa pag-aaral. Naranasan mo maulanan, lumusong sa baha, lagnatin, magpuyat at talaga namang tyinaga mo makatapos ka lang.

Ngayong tapos ka na? kailan ka huling nagbigay ng ganito klaseng dedication? O kampanteka na kasi tapos ka na?

Tuesday, March 2, 2010

Famous Story Character

Laging kong iniisip na  ako si Little Prince - o ang bida sa The Little Prince na novel ni Antoine de Saint Exupery. Hindi ko alam kung anong meron sa nobelang ito at pinagdudugtong niya ang kwento ko.

Ikaw, sino ka sa mga kwentong nabasa mo?

Monday, March 1, 2010

Disaster Preparedness

Ready ka na ba?

Be sure na na may flashlight, fully charged ang battery at may stock ng food.

Ganun din, siguraduhing may extra mobile phone sa sasakyan mo, fully charged battery at may mga names na nasa phonebook.

Isulat na ang mga emergency numbers malapit sa phone o sa mobilephone mo.
Reviewin ang fire exit ng building na pinagtatrabahuhan mo.

Turuan ang mga kasambahay kung ano ang gagawin sakaling may kalamidad o sakuna.


Gayundin, syempre, pinakaimportante sa lahat. Dont Panic.